«Реал» президенти Флорентино Перес ҳимоячи Марселога клуб сафига қўшилганига 12 йил тўлиши муносабати билан футболка совға қилди. Футболчига "12 йил" ёзуви туширилган "Мадрид" формаси тақдим этилди.
30 ёшли бразилиялик футболчи 2006 йилда "Флумененсе" клубидан "қаймоқранглилар" сафига келиб қўшилганди. Бу вақт давомида Марсело 4 мартадан Чемпионлар лигаси ва Испания чемпионатида ғолибликни қўлга киритди.
Марсело Ла лиганинг ушбу мавсумида 7та ўйинда майдонга тушиб, 2та гол уришга муваффақ бўлди. Эслатиб ўтамиз, футболчи "Реал" сафида 12-рақамли футболкада ўйнайди.
