Аввалроқ, Тошкент шаҳрида ўсмир қизлар ўртасида қиличбозликнинг сабля йўналиши бўйича жаҳон кубоги мусобақаси бошлангани ҳақида хабар берган эдик.
Мусобақада жаҳоннинг 14 мамлакатидан 53 нафар спортчи иштирок этмоқда. Кеча “Универсал” спорт саройида ушбу турнирнинг очилиш маросими бўлиб ўтди.
Очилиш маросимида Ўзбекистон Миллий олимпия қўмитаси президенти Умид Аҳмаджонов, Жисмоний тарбия ва спорт вазири Дилмурод Набиев, Тошкент шаҳар ҳокими Жаҳонгир Ортиқхўжаев, Ўзбекистон қиличбозлик федерацияси раиси Рустам Шоабдураҳмонов ҳам иштирок этди.
Тадбирда сўзга чиққанлар ушбу мусобақанинг қай даражада аҳамиятли эканлиги, ана шундай нуфузли мусобақа Ўзбекистонга ишониб топширилганидан мамнун эканликларини қайд этиб ўтдилар. Сўнг Ўзбекистон Республикаси давлат мадҳияси янгради ва мусобақа расман очиқ деб эълон қилинди.
Эътиборингизга Умид Аҳмаджонов, Дилмурод Набиев, Жаҳонгир Ортиқхўжаев, Рустам Шоабдураҳмонов иштироки ва мусобақадан олинган суратларни тақдим этамиз.
