Португалия терма жамоаси бош мураббийи Фернанду Сантуш Италияга қарши ўйиндан сўнг фикрларини билдириб ўтди.
“Кейинги босқичга ўтганимиз, даражамиз қандай эканлигини тасдиқлади. Италия билан ўйинга келсак, биринчи бўлимда қийинчиликларга учрадик. Танаффусда футболчиларга майдонда нима қилишни тушунтирдим ва ўйин мувозанати тенглашди.
Польшага қарши учрашув, биз учун ҳал қилувчи ва энг муҳими бўлади. Чунки, биз мухлислар қаршисида ўйнаймиз. Ғалаба қозонишимиз шарт. Роналду? Унинг ўрни бошқа, бу ҳақда ортиқча савол беришни ҳожати йўқ. Унинг ижтимоий тармоқда қолдирган постини ўқидим”, - дейди Сантуш.
