“Барселона” ва “Реал” ҳали-ҳамон ПСЖ ҳужумчиси Неймарни сотиб олиш имкониятини сақлаб қолмоқда.

Маълумки, 26 ёшли ҳужумчи Каталония клубида 2013-2017 йиллар давомида фаолият олиб борган. “Барса” раҳбарияти ва жамоа футболчилари ҳамда Неймарнинг ўзи “Камп Ноу”га қайтишга қарши эмас.

Бироқ, “Барселона” жорий мавсум трансферлар учун кўп маблағ сарфлагани учун трансферни амалга оширишда молиявий қийинчиликларга учраши мумкин.

Шунингдек, бир вақтнинг ўзида Неймарга “Реал” ҳам даъвогарлик қилмоқда. Биласиз, “қироллик клуби” президенти Флорентино Перес кўп вақтдан бери Неймарни Мадридга олиб келишни истайди.

Мадридликларда молиявий аҳвол айни вақтда яхши бўлиб, кейинги йилда футболчига янги таклиф тайёрлашни режалаштирган.

Охирги вариант эса ПСЖда қолиш бўлиб, парижликлар 2017 йил ёзида Неймар учун “Барса”га 222 миллион евро тўлаган. Маълум қилинишча, клуб ва футболчи ўртасидаги тузилган шартномада қандайдир қониқарли таклиф бўлса, уни кўриб чиқиш мумкинлиги ёзиб қўйилган.