Хабарингиз бор, Миллий олимпия қўмитаси Республикамиз бўйлаб кенг миқёсдаги селекция ишларини олиб бормоқда. Янги номларни кашф этиш, терма жамоамиз учун муносиб номзодларни саралаб олиш мақсадида турли селекцион мусобақалар ташкил қилинмоқда. Ана шундай турнирларнинг навбатдагиси бугун, 10 декабрь куни Республика ихтисослаштирилган олимпия захиралари мактаб-интернатининг енгил атлетика манежида ўтказилди.
Мусобақанинг тантанали очилиш маросимида Ўзбекистон Миллий олимпия қўмитаси Бош котиби Жасур Матчанов, Ўзбекистон енгил атлетика федерацияси раиси Андрей Абдувалиев ва бошқалар иштирок этишди. Тадбир давомида Жасур Матчанов сўзга чиқар экан, ҳуқуқни муҳофаза қилувчи органлар ходимлари доимо юқори жисмоний тайёргарликка эга эканликлари, терма жамоамиз аъзоари орасида ҳарбий спортчиларнинг алоҳида ўрни борлигини қайд этиб ўтди.