Муборакнинг “Машъал” клубида янги бош мураббий иш бошлаши мумкин деб хабар беради champioanat.asia.

Бир неча йиллардан буён “газчилар”га устозлик қилиб келаётган россиялик Александр Хомяковнинг шартномаси 31 декабрь куни тугайди. “Машъал” клуби ижрочи директори Илҳом Қурбонов “Футбол Экспресс"”газетасига берган интервьюси чоғида бу масалага тўхталиб ўтган.

Александр Хомяков 25 декабрь куни Россиядан қайтиб келади. Келгач унинг кейинги тақдири борасида гаплашиб оламиз. Шартномаси 31 декабрь куни тугайди. Ҳаммаси мураббийнинг ўзига боғлиқ. Агарда бошқа таклифларни кўриб чиқмоқчи бўлса, биз унга қаршилик қилмаймиз", - дейди Илҳом Қурбонов.

- Бош мураббийлик борасида захира вариантлари ҳам борми?

- Захира вариантлари бор. Ҳозирча Хомяковнинг қарорини кутаяпмиз. Рўйхатимизда маҳаллий ва хорижлик мураббийлар бор. Улар орасида Аргентинадан мураббий бор. У кўпроқ ёшлар билан ишлаган. Кейин польшалик мутахассис бор. аммо у ҳозирда АҚШ фуқароси. У билан ҳам куни кеча музокара ўтказдик, жамоамиз билан ҳамкорлик қилишга тайёр.