Muborakning “Mash’al” klubida yangi bosh murabbiy ish boshlashi mumkin deb xabar beradi champioanat.asia.
Bir necha yillardan buyon “gazchilar”ga ustozlik qilib kelayotgan rossiyalik Aleksandr Xomyakovning shartnomasi 31 dekabr kuni tugaydi. “Mash’al” klubi ijrochi direktori Ilhom Qurbonov “Futbol Ekspress"”gazetasiga bergan intervyusi chog‘ida bu masalaga to‘xtalib o‘tgan.
Aleksandr Xomyakov 25 dekabr kuni Rossiyadan qaytib keladi. Kelgach uning keyingi taqdiri borasida gaplashib olamiz. Shartnomasi 31 dekabr kuni tugaydi. Hammasi murabbiyning o‘ziga bog‘liq. Agarda boshqa takliflarni ko‘rib chiqmoqchi bo‘lsa, biz unga qarshilik qilmaymiz", - deydi Ilhom Qurbonov.
- Bosh murabbiylik borasida zaxira variantlari ham bormi?
- Zaxira variantlari bor. Hozircha Xomyakovning qarorini kutayapmiz. Ro‘yxatimizda mahalliy va xorijlik murabbiylar bor. Ular orasida Argentinadan murabbiy bor. U ko‘proq yoshlar bilan ishlagan. Keyin polshalik mutaxassis bor. ammo u hozirda AQSH fuqarosi. U bilan ham kuni kecha muzokara o‘tkazdik, jamoamiz bilan hamkorlik qilishga tayyor.
