"Милан" бош мураббийи Женнаро Гаттузо Европа лигасининг 6-турида "Олимпиакос"дан учралган мағлубият (1:3) ва жамоасининг мусобақани тарк этишини шарҳлади.
"Жуда ранжидик. Ўйин ўз қўлимизда эди, аммо шундай стадионда саккизта голли вазиятдан фойдалана олмаслик мусобақани тарк этишга лойиқлигимизни кўрсатади.
Бу ўйин шуни кўрсатдики, биз рақибга босим ўтказа олишга тайёр эмасмиз. Ҳа, ҳакамларнинг баҳсли қарорлари бўлди, аммо кичик муаммоларда ҳам аҳмоқона хатолар қилсанг, мағлубиятга муносибсан. Ўйинни рақибга совға қилдик ва плей-оффга чиқишга муносиб бўлмадик.
Ўйлашимча, тажриба етишмаслиги - ҳозирда бизнинг энг катта муаммомиз", - дейди Гаттузо.
