Европа Лигаси гуруҳ босқичининг охирги тур ўйинларидан келиб чиқиб мусобақада ҳафтанинг энг яхши футболчиси бўлиш учун номзодлар белгилаб олинди.

Даъвогарлар тўртлигидан “Севилья” ҳужумчиси Виссам Бен-Йеддер, “Ренн” яримҳимоячиси Исмоил Сарр, “Байер” хавбеки Доминик Кор ва “Генк” яримҳимоячиси Сандер Берге ўрин олган.

Рўйхатдаги дастлабки уч футболчи – Бен-Йеддер, Сарр ва Кор – бу турда дубль муаллифи бўлишди. Виссам “Краснодар”га (3:0), Исмоил “Астана”га (2:0), Доминик эса АЕК дарвозасига (5:1) иккита тўп киритди. Тўртинчи номзод – Сандер Берге эса “Сапсборг” йирик ҳисобда (4:0) мағлуб этилган баҳсда битта гол уриб, яна бир голга ҳаммуаллиф бўлди.