Yevropa Ligasi guruh bosqichining oxirgi tur o‘yinlaridan kelib chiqib musobaqada haftaning eng yaxshi futbolchisi bo‘lish uchun nomzodlar belgilab olindi.
Da’vogarlar to‘rtligidan “Sevilya” hujumchisi Vissam Ben-Yedder, “Renn” yarimhimoyachisi Ismoil Sarr, “Bayer” xavbeki Dominik Kor va “Genk” yarimhimoyachisi Sander Berge o‘rin olgan.
Ro‘yxatdagi dastlabki uch futbolchi – Ben-Yedder, Sarr va Kor – bu turda dubl muallifi bo‘lishdi. Vissam “Krasnodar”ga (3:0), Ismoil “Astana”ga (2:0), Dominik esa AYEK darvozasiga (5:1) ikkita to‘p kiritdi. To‘rtinchi nomzod – Sander Berge esa “Sapsborg” yirik hisobda (4:0) mag‘lub etilgan bahsda bitta gol urib, yana bir golga hammuallif bo‘ldi.
