Италиянинг “Женоа” клуби А Сериянинг 16-турида “Рома”га 2:3 ҳисобида енгилди.
Учрашувда “Женоа” ҳужумчиси Кшиштоф Пёнтек ўз номига битта гол ёзиб қўйди. Бу унинг учун А Серия жорий мавсумидаги 12-гол бўлди. Натижада Пёнтек 11 та гол урган “Ювентус” ҳужумчиси Криштиану Роналдуни қувиб ўтди.
23 ёшли ҳужумчи 7-октябрдан бери илк бор гол (ўйиндан, пеналтидан эмас) урди. У бу орада 8 та голсиз ўйинлари сериясини ўтказди.
Қайд этиш керак, Пёнтек бу орада 2 бор пеналтидан гол ҳам киритди.