Италиянинг "Торино" клуби ишқибозлари А сериянинг 16-турида ўтказиладиган Турин дербиси олдидан "Ювентус"ни мафияга тенглаштирувчи баннерни намойиш қилишди.
"La Gazzetta dello Sport" берган хабарга кўра, 14 декабрдан 15 декабрга ўтар кечаси Туриндаги Корсо Гросетто эстакадасида “Ювентус" – футбол клани” ёзуви акс этган баннер осиб қўйилди.
Манбада келтирилишича, ушбу жой тасодифан танланмаган. У "Ювентус"нинг уй стадиони ҳисобланган “Алянц стэдиум”га жуда яқин жойлашган. Дерби учун қўриқлаш хизматининг 500 нафар ходими жалб этилган.