Профессионал бокснинг супер енгил (63,5 кг) вазн тоифасида рингга кўтарилаётган ўзбекистонлик боксчи Фазлиддин Ғоибназаровнинг еттинчи жанги 2019 йил 18 январь куни ўтказилиши белгиланди.
Боксчининг маълум қилишича, Ғоибназаровга еттинчи жангида Доминикан Республикаси вакили Рикардо Гарсия рақиблик қилади. 8 раундга мўлжалланган мазкур жанг АҚШнинг Висконсин штати, Верона шаҳрида жойлашган "Turning Stone Resort & Casino" спорт саройида бўлиб ўтади.
32 ёшли Рикардо Гарсия шу кунга қадар профессионал боксда 19 та жанг ўтказган бўлиб, уларнинг 14 тасида ғалаба (9 нокаут) қозонган, 1 дуранг ва 4 мағлубият қайд этган.
Фазлиддин Ғоибназаров эса профессионал боксда 6 та жанг ўтказиб, уларнинг барчасида рақибларини мағлубиятга учратган. Учта жангни муддатидан олдин ўз фойдасига ҳал қилган.
