Италиянинг “Милан” клуби мураббий Женнаро Гаттузога ўзини кўрсатиши учун декабрь охирига қадар имконият берди.

SportMediaset нашрининг маълум қилишича, клуб менежменти Гаттузони: “Фиорентина”, “Фрозиноне” ва СПАЛ жамоаларига қарши ўйинларга футболчиларни қандай тайёрлашини кузатади.

Бу ўйинлар натижасига қараб, “Милан” Гаттузони постда қолдириш ёки бўшатиш бўйича қарор қабул қилади.

Манбанинг айтишига кўра, Женнаро Гаттузонинг ўрнига Роберто Донадони ва “Арсенал” собиқ мураббийи Арсен Венгер номзодлари кўриб чиқилмоқда.

Эслатиб ўтамиз, “Милан” жорий мавсум Гаттузо қўл остида Европа лигаси гуруҳ босқичидан чиқа олмади. “Россонери”лар ҳал қилувчи ўйинда “Олимпиакос”га имкониятни бой бериб қўйишган эди.

Шунингдек, “Милан” А Серияда кетма-кет икки ўйин: “Торино” (0:0) ва“Болонья” (0:0) билан дуранг ўйнади.