Миллий олимпия қўмитаси ва Ўзбекистон таэквондо WTF ассоциацияси томонидан янги йил байрамига бағишланган тадбир ташкил этилди.
Чунки Янги 2019 йил эшик қоқмоқда. Айнан шу мақсадда бугун, 22 декабрь куни Миллий олимпия қўмитаси ва Ўзбекистон таэквондо WTF ассоциацияси ҳамкорлигида болажонлар учун янги йил байрами ташкил этиб берилди. Тантанали байрам давомида ташкилотчилар томонидан тайёрланган саҳна кўриниши намойиш этилди.
Шунингдек, ўзбек эстрадаси юлдузлари Ойбек ва Нигора, Россиядан ташриф буюрган машҳур «HammAli» гуруҳи ижросидаги чиқишлар нафақат болажонларга, балки улар билан байрамга ташриф буюрган ота-оналарга ҳам манзур келди.
Байрам тадбирига 100-сонли ихтисослаштирилган махсус мактаб интернати тарбияланувчилари ҳам ташриф буюришди. Байрам давомида намойиш этилган эртак эса йиғилганларда катта таассурот қолдирди.