“Манчестер Юнайтед” бош мураббийи Оле-Гуннар Сульшер “Кардифф” билан ўйиндан сўнг ўз журналистлар саволларига жавоб берди.

– Икки кунда нимани ўзгартира олдингиз?

– Ҳа, кечадан машғулотларни бошладик, ўйин схемасига бироз ўзгартириш киритдик. Янг ва Шоу қанотдан кўпроқ фаол бўлишларини сўрагандим. Бугун бу иш фойда берди. Бундай ишлаш энг осон иш.

Ҳа, бу осон, чунки бу йигитларнинг ўйинга муносабати ва улардан фойдаланишига боғлиқ бўлади. Агар мана шундай ўйнашда давом этсак, олдинга ҳаракат қилсак, жуда хам хурсанд бўлардим. Асосийси ҳимоя. Ўйлайманки, бугун улар ажойиб ўйин намойиш қилди.

– Сизни “МЮ”нинг топ-4дан анча орқада қолиб кетгани безовта қилмаяптими?

– 8-9 очко ортда боряпмиз, лекин ўйиндан-ўйинга қадам-қадам билан яқинлашяпмиз. Мухлислар ва уларнинг содиқлиги билан фахрланаман. Бу ҳафта ҳиссиётга бой бўлди. Бу албатта, бошланиши. “Манчестер Юнайтед” энди фақат олдинга қараб, ҳаракат қилади”, – деган Сульшер BT Sport эфирига.