Хабар бериб ўтганимиздек, 23-25 декабрь кунлари Тошкент шаҳрида дзюдо бўйича Ўзбекистон кубоги ўтказилади. Бугун мусобақага старт берилди. Мусобақада юртимизнинг турли ҳудудларидан 470 га яқин спортчи иштирок этмоқда.

Баҳсларни кузатиш учун Умид Аҳмаджонов бошчилигида Миллий олимпия қўмитаси мутасаддилари ҳам ташриф буюришди.

Бугун эркаклар ўртасида -60 ва -66 кг, аёллар ўртасида эса -48, -52, -57 кг вазн тоифасида беллашувлар ташкил қилинади.

24 декабрь:

Эркаклар: -73 кг, -81 кг, -90 кг.
Аёллар: -63 кг, -70 кг.

Бошланиш вақти: 10:00
Финаллар: 16:00

25 декабрь:

Эркаклар: -100 кг, +100 кг.
Аёллар: -78 кг, +78 кг.

Бошланиш вақти: 10:00
Финаллар: 13:00.

Мусобақада қайд этилган натижалар билан Миллий олимпия қўмитасининг расмий сайти орқали танишишингиз мумкин бўлади.