«Арсенал» ва «Реал»нинг бир нафардан яримҳимоячиси «Ювентус» назарига тушган.

Европа матбуотида тарқалаётган хабарларга кўра, «Юве» «тўпчилар» хавбеки Аарон Рэмзига асосий даъвогарга айланган. Куни кеча 27 ёшли уэльслик футболчи «Интер»га ўтишга розилик бергани хабар қилинган эди. Унга, шунингдек, «ПСЖ» ҳам бефарқ қармаяпти.

Шунингдек, туринликлар «Реал»дан Иско трансферини амалга ошириш борасида бош қотиришмоқда. Аммо бу йўлда 26 ёшли испаннинг трансфер қиймати юқорилиги (80 млн евро) муаммо бўлиб турибди. Қолаверса, «Ювентус» Иско учун «Манчестер Сити» билан рақобатлашиши ҳам керак.

Рэмзи бу мавсум «Арсенал»нинг 21 ўйинида қатнашиб, 2+6 кўринишида маҳсулдорлик қайд этди (унинг шартномаси 2019 йил ёзида ниҳоясига етади). Иско эса «Реал» либосида 18та учрашув ўтказиб, 4+1 натижасига эришган.