"Ливерпуль" устози Юрген Клопп икки марта уйланган. Унинг биринчи рафиқаси Сабина Клопп, улар 2001 йилда ажрашишган. Бу вақтда Клопп Майнц жамоасида менежер сифатида иш бошлаганди. Уларнинг ўғли Марк 2010 йил бошларида Дортмунд жамоасида қанот ҳимоячиси сифатида ўйнай бошлаганди, аммо тиззасидан олган жароҳати туфайли фаолиятини эрта якунлашга мажбур бўлган.

Улла Сандрок Клоппнинг иккинчи рафиқаси. Улар 2005 йилда танишишган. Улла у пайтда Майцдаги барлардан бирида ишларди. Унинг айтишича, ўша пайтда футболга умуман қизиқмаган.

Умуман олганда, Улла ўқитувчи. Барда ишлагунга қадар уч йил давомида Кения пойтахти Найробидаги немис мактабида дарс берган. Клопп билан турмуш қургач, Улла футбол билан ҳам анча дўстлашиб олди.

2008 йилда Улла ўзининг болаларга мўлжалланган муаллифлик китоби Том ва катта футбол тўпи китобини нашр эттирди. Бу китоб 11 ёшли немис боласи ҳақида эди.

Улланинг энг катта хизмати Клоппни Ливерпул ни бошқаришга ундаганидир. Бу ҳақда мураббийнинг ўзи шундай дейди: Рафиқам агар Ливерпул дан таклиф бўлса, иккиланмай рози бўлишимни маслаҳат берганди . Бу маслаҳатга амал қилган Клопп айни дамда АПЛда чиндан ҳам иқтидорли, тажрибали мураббий эканлигини исботлаяпти. Ҳозирда Юрген рафиқаси билан бахтли ҳаёт кечирмоқда. ФОТОГАЛЕРЕЯ