"Тоттенҳэм" ҳужумчиси Гарри Кейннинг фикрича, унинг жамоаси янги футболчини сотиб олишга муҳтож эмас.

"Баъзан, мос ўйинчи топишнинг иложи бўлмаса, ҳеч кимни сотиб олмаган маъқул. Бизнинг боссимиз фалсафаси шундай. Ёзда у айнан шундай йўл тутди. У таркибмизга ишонди, ҳозирда ҳамма ишлари жойида.

Қишки трансферлар чоғида нима бўлади, кўрамиз. Агар раҳбарият кимнидир сотиб олишни истаса - бу содир бўлиши мумкин. Акс ҳолда ишимизда давом этамиз. Ҳар қандай вазиятда тайёрмиз", - дейди Кейн.

Эслатиб ўтамиз, "Тоттенҳэм" ёзда ҳеч кимни сотиб олмади ва сотмади ҳам.

Жамоа АПЛнинг иккинчи поғонасида бормоқда ва етакчи "Ливерпуль"дан 6 очко кам тўплаган.