Англиянинг "Вест Хэм" клуби ярим ҳимоячи Самир Насри билан шартнома имзолаганини эълон қилди.
31 ёшли футболчи сўнгги бир неча ҳафтадан бери жамоа базасида шуғулланаётганди. У клуб бош мураббийи Мануэль Пеллегринининг ишончини қозонди. Натижада "болғачилар" франциялик футболчи билан ушбу мавсум охиригача шартнома имзолашди. Насри "Вест Хэм"нинг муваффақиятига ҳисса қўшадиган бўлса, у билан шартнома узайтирилиши мумкин. Самир 18-рақамли футболкада ҳаракат қиладиган бўлди.
Маълумот ўрнида. Самир Насри допинг истеъмол қилгани учун бир йилга дисквалификация қилинганди. Унинг сўнгги жамоаси Туркиянинг "Антальяспор" клуби бўлганди. Футболчи "Вест Хэм" сафига эркин агент сифатида қўшилди.
Насри аввалроқ Мануэль Пеллегрини қўлостида ўйнаган. "Манчестер Сити" таркибида у икки карра АПЛ чемпионлигига эришган.