Наманганнинг “Навбаҳор” клуби ярим ҳимоячи Азиз Турғунбоев бўйича расмий баёнот берди. Бу ҳақда клуб матбуот хизмати хабар бермоқда.
“Бундан бироз вақт олдин жамоамиз футболчиси Азизбек Турғунбоевни "Пахтакор" клуби билан шартнома имзолаганлиги ҳақида турли ОАВларда хабар тарқалди. Ваҳоланки Азизбекни "Навбаҳор" билан амалдаги шартномаси мавжуд.
2018 йилги чемпионат якунига етгач бир қатор футболчилар билан амалдаги шартнома муддатлари узайтирилган. Турғунбоев билан ҳам амалдаги шартнома узайтирилиб, 2020 йилгача амалда бўлади.
Шу сабабли Турғунбоевни "Навбаҳор" футболчиси дейишга асосларимиз бор”, дейилади баёнотда.
