Украиналик биринчи оғир вазн тоифаси жангчиси Александр Усик (16-0-0, 12КО) боксга ихтисослашган машҳур "The Ring" журнали томонидан "Йилнинг энг яхши боксчиси деб топилди.
Усик мазкур йўналишда мексикалик Саул Канело Альварес (51-1-2, 35 КО), украиналик Василий Ломаченко (12-1-0, 9КО), япониялик Наоя Инуи (17-0-0,15КО) ва британиялик Тайсон Фьюрини (27-0-1, 19КО) ортда қолдирди.
Бундан ташқари, Саул Альварес ва Геннадий Головкин ўртасидаги жанг "Йил жанги" деб топилди. Энг яхши мураббий унвони эса Василий Ломаченконинг отаси Анатолий Ломаченкога насиб этди.
Олдинроқ, "Йилнинг энг истиқболли боксчиси" унвони Теофимо Лопесга насиб этгани хабар қилинганди.