27 декабрь куни қашқадарёлик спортчи қизлар Шоҳсанам Тошпўлатова ва Фотима Амиловага президент совғаси – “Спарк” автомобиллари топширилди. Бу ҳақда вилоят ҳокимлиги матбуот хизмати раҳбари Бекзод Маматқулов маълум қилмоқда.
“2018 йилнинг 6-13 октябрь кунлари Индонезиянинг Жакарта шаҳрида бўлиб ўтган III Параосиё ўйинларида Шаҳсанам Тошпўлатова ва Фотима Амилованинг иштироки натижасида вилоятимиз терма жамоаси яхши натижаларни қўлга киритган эди, – дейди вилоят жисмоний тарбия ва спорт бошқармаси матбуот хизмати ходими Нурбек Сайнабиев.
Сузиш беллашувларида спортчилар 10 та олтин, 6 та кумуш, 3 та бронза медални қўлга киритди".
Нурбек Сайнабиевнинг маълумот беришича, президентнинг Қашқадарёга ташрифидан сўнг Шоҳсанам Тошпўлатовага Қарши шаҳридан икки хонали уй ҳам берилган.
