27 dekabr kuni qashqadaryolik sportchi qizlar Shohsanam Toshpo‘latova va Fotima Amilovaga prezident sovg‘asi – “Spark” avtomobillari topshirildi. Bu haqda viloyat hokimligi matbuot xizmati rahbari Bekzod Mamatqulov ma’lum qilmoqda.
“2018 yilning 6-13 oktyabr kunlari Indoneziyaning Jakarta shahrida bo‘lib o‘tgan III Paraosiyo o‘yinlarida Shahsanam Toshpo‘latova va Fotima Amilovaning ishtiroki natijasida viloyatimiz terma jamoasi yaxshi natijalarni qo‘lga kiritgan edi, – deydi viloyat jismoniy tarbiya va sport boshqarmasi matbuot xizmati xodimi Nurbek Saynabiyev.
Suzish bellashuvlarida sportchilar 10 ta oltin, 6 ta kumush, 3 ta bronza medalni qo‘lga kiritdi".
Nurbek Saynabiyevning ma’lumot berishicha, prezidentning Qashqadaryoga tashrifidan so‘ng Shohsanam Toshpo‘latovaga Qarshi shahridan ikki xonali uy ham berilgan.
