"Атлетико" ҳимоячиси ва сардори Диего Годин фаолиятини "А" серияда давом эттириши мумкин.
Италиялик журналист Жанлука Ди Марционинг маълумотига кўра, уругвайлик футболчи "Интер" билан икки йиллик шартнома борасида келишиб олган. Годин яқин вақтлар ичида тиббий кўрикдан ўтади ва расмий шартнома имзолайди. Футболчининг мадридликлар билан шартномаси ёзда ниҳоясига етади.
Футболчини ёзда "Манчестер Юнайтед" қўшиб олишни истаган эди, аммо футболчи буни хоҳламади. Шунингдек, у "Атлетико" билан шартномасини узайтиргани ҳақида хабарлар тарқалган, бироқ клуб буни тасдиқламади.
