Осиё кубоги гуруҳ босқичи 1-туридан ўрин олган Ўзбекистон ҳамда Уммон терма жамоалари ўртасидаги баҳс якунланди. Мазкур баҳсда терма жамоамиз қийин ғалабага эришди.
Ўйин Уммон терма жамоасининг устунлигида бошланди. Ўйиннинг 34-дақиқасига келиб, тема жамоамиз сардори Одил Аҳмедов жарима зарбасида супер зарба йўллаб ҳғисобни очди. Биринчи бўлим шу ҳисобда якунланди.
Иккинчи бўлимни ҳам уммонликлар анча ҳужумкор бошлади. Айрим вазиятларда терма жамоамиз дарвозабони Игнатий Нестеров қутқариб қолган бўлса, айрим вазиятларда уммонликларнинг омади келмади.
Ўйиннинг 72-дақиқасида уммонликларнинг заҳирадан майдонга тушган футболчиси ҳисобни тенглааштирди. Голдан руҳланган уммонликлар ҳужуикорликни оширди.
Учрашувнинг 86-дақиқасига келиб, заҳирадан майдонга тушган Элдор Шомуродов ҳисобни 2:1 кўринишига келтириб қўйди. Шу тариқа терма жамоамиз қийин кечган ўйинда ғалаба қозонди.
Осиё кубоги-2019. "F" гуруҳи, 1-тур
ЎЗБЕКИСТОН - УММОН - 2:1 (1:0)
Голлар: Одил Аҳмедов (34), Элдор Шомуродов (86) — Муҳсин ал-Ғассаний (72)
Огоҳлантиришлар: Жалолиддин Машарипов (29), Игнатий Нестеров (58)
Четлатиш: Егор Кримец (90+3)
Ўзбекистон: 1. Игнатий Нестеров, 2.Акмал Шораҳмедов, 5.Анзур Исмоилов, 15.Егор Кримец, 13.Олег Зотеев, 7.Сардор Рашидов (Достон Ҳамдамов 59), 9.Одил Аҳмедов, 19.Отабек Шукуров, 11.Жалолиддин Машарипов (Икром Алибоев 79), 22.Жавоҳир Сиддиқов, 10.Марат Бикмаев (Элдор Шомуродов 83)
Уммон: 18.Файл ар-Рушайдий (Д), 02.Муҳаммад ал-Мусаллам, 06.Роид Солиҳ, 07.Холид ал-Ҳажрий (Муҳсин ал-Ғассаний 67), 10.Муҳсин ал-Холдий, 11.Саад ал-Мухайний, 12.Аҳмад Маҳайжрий, 13.Холид ал-Брайкий, 15.Жамил ал-Яҳмадий, 17.Али ал-Бусайдий, 23.Ҳариб ас-Саадий
Бош ҳакам: Ко Хюн Жин (Жанубий Корея)
