Аввалроқ, 9 январь куни “Локомотив” футболчилари ўқув-машғулот йиғинларини ўтказиш учун Дубайга етиб боргани ҳақида хабар берган эдик.

Футболчилар ва мураббийлар “Jebel Ali” меҳмонхонасига жойлашишди ва у ерда тикланиш машғулотларини олиб боришди. Шуни ҳам айтиб ўтиш жоиз, “темирйўлчилар” машғулотларига Неманья Жокич, Филипп Райевац, Азиз Ҳайдаров ҳамда Жамшид Искандеров каби янги футболчилар ҳам келиб қўшилган.

“Локо” у ерда 2 ҳафта мобайнида машғулотлар ўтказади. Машғулотлар кунига 2 маҳалдан олиб борилади.  Ўзбекистон чемпиони мазкур йиғин давомида учта ўртоқлик ўйинини ўтказади.

Дастлаб, 16 январь куни Россиянинг “Спартак Москва” жамоасига қарши баҳс олиб борилади. Сўнгра 18 январь куни Словакиянинг 7 карра чемпиони “Жилина” футбол клуби билан куч синашилади. 21 январь куни эса Даниянинг “Брондбью” жамоасига қарши майдонга тушилади.

Маълумот ўрнида, Дубайдаги йиғин 24 январгача давом этади.