9 январь куни Ўзбекистон терма жамоаси Осиё кубоги 2019 мусобақасидаги дастлабки ўйинда Уммонга қарши майдонга тушди ва 2:1 ҳисобида ғалабага эришди.
Ушбу учрашувда ўзбекистонлик мухлислар ўз жамоаларини қўллаб-қувватлаб туришди. Яъни, кўплаб футбол мухлислари БААга ўйиндан икки-уч кун олдин етиб келишган бўлса, иккинчи гуруҳ мухлислари эса ўйин бошланишига саноқли дақиқалар қолганда пайдо бўлишди.
Эътиборли томони шундаки, ушбу ўйинни стадиондан ўзбекистонлик таниқли хонандалар ҳам кўриб борди. Бундан ташқари, БАА мамлакатида яшаётган ўзбекистонликлар ҳам Шаржа шаҳридаги “Шаржа” стадионига келиб, миллий терма жамоани қўллаб туришди.
Хуллас шу куни Шаржани юзида кулгу, бошида дўппи кийган ўзбеклар босди. Минг марта айтгандан кўра, бир марта кўрган яхши деганларидек, Stadion.uz интернет нашри GO Uzbekistan лойиҳаси билан ҳамкорликда эътиборингизга ушбу таъсирли видеони тақдим этади.
Бу видеони албатта, кўришингиз шарт:
