9 yanvar kuni O‘zbekiston terma jamoasi Osiyo kubogi 2019 musobaqasidagi dastlabki o‘yinda Ummonga qarshi maydonga tushdi va 2:1 hisobida g‘alabaga erishdi.

Ushbu uchrashuvda o‘zbekistonlik muxlislar o‘z jamoalarini qo‘llab-quvvatlab turishdi. Ya’ni, ko‘plab futbol muxlislari BAAga o‘yindan ikki-uch kun oldin yetib kelishgan bo‘lsa, ikkinchi guruh muxlislari esa o‘yin boshlanishiga sanoqli daqiqalar qolganda paydo bo‘lishdi.

E’tiborli tomoni shundaki, ushbu o‘yinni stadiondan o‘zbekistonlik taniqli xonandalar ham ko‘rib bordi. Bundan tashqari, BAA mamlakatida yashayotgan o‘zbekistonliklar ham Sharja shahridagi “Sharja” stadioniga kelib, milliy terma jamoani qo‘llab turishdi.

Xullas shu kuni Sharjani yuzida kulgu, boshida do‘ppi kiygan o‘zbeklar bosdi. Ming marta aytgandan ko‘ra, bir marta ko‘rgan yaxshi deganlaridek, Stadion.uz internet nashri GO Uzbekistan loyihasi bilan hamkorlikda e’tiboringizga ushbu ta’sirli videoni taqdim etadi.

Bu videoni albatta, ko‘rishingiz shart: