"РБ Лейпциг" клуби Тимо Вернерни жамоанинг энг юқори маош олувчи футболчисига айлантиришга тайёр. Бу ҳақда “Bulinews” хабар берди.
Манбанинг ёзишича, немис клуби ҳужумчи билан шартномани узайтириш умидида ва унга йилига 6 миллион евро маош таклиф қиляпти.
Таъкидлаш керакки, Вернернинг амалдаги шартномаси 2020 йилда тугайди. Унга "Реал", "Бавария" ваДортмунднинг "Боруссия"си қизиқмоқда.
Агар Вернер яқин вақт ичида клуби билан музокара олиб бормаса, ёзда “Лейпциг” уни сотишга мажбур бўлиши мумкин. Ҳужумчининг нархи 65 миллион еврога тенг.
