“Милан” “Женоа”нинг ёш ҳужумчиси Кшиштоф Пёнтек билан шартноманинг шахсий бандларини келишиб олди. Бу ҳақда журналист Жанлука Ди Марцио хабар берди.

Манбага кўра, 23 ёшли польшалик футболчи “Милан” билан 5 йиллик шартнома имзолайди ва йилига 2 миллион евро маош олади. ШунингдекЮ унга маълум миқдорда бонуслар ҳам ваъда қилинган.

Энди “Милан” “Женоа” билан футболчининг нархи борасида келишмоқчи. Футболчининг нархи 40 млн евро атрофида.

Жорий мавсумда Пёнтек 21 та ўйинда 19 та гол урди ва 1 та голли узатмага муаллифлик қилди.