“Динамо” жамоасининг янги мавсумга тайёргарлик доирасидаги иккинчи йиғини давом этмоқда.

Жамоа кунига икки маҳалдан машғулотлар олиб бормоқда. Кеча Жомбойдаги ўйингоҳда “Динамо” “Шердор”га қарши синов-назорат баҳсида майдонга тушди. Учрашувда “Динамо” вакиллари 3:2 ҳисобида ғалаба қозонди.

Даврон Файзиев қўл остида ўтаётган машғулотлар 18 январь кунигача ўтказилди, энди йиғин Тошкентда давом эттирилиши режалаштирилган.

Жамоа 21 январдан бошлаб пойтахтда йиғин бошлайди. Режага кўра, Тошкентдаги йиғин давомида 3 та назорат ўйини ташкил этилади. Самарқандликлар Тошкентда 3 февралга қадар шуғулланишади.