«Арсенал» ҳимоячиси Эктор Бельерин ушбу мавсум охирига қадар бошқа майдонга чиқмайди. 23 ёшли футболчининг тизза бўғимида узилиш юз бергани аниқланди.
Бельерин Англия премьер-лигасининг 23-тури доирасида «Челси»га бўлиб ўтган ўйинда (2:0) жароҳат олганди.
Испаниялик футболчининг тикланиши учун қанча вақт кетиши қўшимча текширувдан кейин аниқ бўлади. Одатда, бундай жароҳатни даволаш учун камида 6 ой вақт талаб этилади.