Профессионал футбол лигаси клублар олдига қўяётган асосий талаблардан бири футбол академиялари фаолиятини такомиллаштириш, тарбияланувчиларга зарур барча шарт-шароитларни яратиб бериш саналади.
Бу борада мамлакатимиздаги энг олди академиялардан бири сифатида “Насаф” футбол клуби қошидаги академиясини кўрсатиш мумкин.
“Металлург” футбол клуби матбуот хизматининг маълум қилишича, шу кунларда Бекобод клуби футбол мактаби раҳбарияти “Насаф” футбол академиясида тажриба ўрганиш, маҳорат сабоқларини олиш ва Бекободда амалиётган тадбиқ этишни мақсад қилиб, Қарши шаҳрида бўлиб туришибди. Сафар давомида бекободлик мутахассислар “Насаф” футбол академиясида яратилган шароитларни ўрганишяпти.
Академияда ишни ташкил этиш, машғулотлар жараёни, овқатланиш, дам олиш шароитлари, футболчиларнинг бўш вақтларини қандай ўтказишлари юзасидан “Насаф” академияси иш тартибини ўрганишмоқда.
