Қиличбозлик бўйича пойтахтимизда давом этаётган ёшлар ўртасидаги Ўзбекистон чемпионатининг 2-кунида шпагачилар жамоавий ҳисобда ғолиб ва совриндорларни аниқлаб олишди. Ўғил болалар баҳсида Андижон ихтисослашган олимпия захиралари мактаб-интернати тарбияланувчилари шоҳсупанинг юқори поғонасига кўтарилишди. Улар финалда Бухоро вакилларини мағлуб этишди. 3-ўрин Андижон жамоаси вакилларига насиб этди.

Қизлар ўртасида кечган баҳслар натижасига кўра, Тошкент шаҳри жамоаси 1-ўринни эгаллади. Бухороликлар кумуш, Навоий вилояти шпагачи қизлари эса бронза медалларга сазовор бўлишди.