«Манчестер Сити» бош мураббийи Хосеп Гвардиола Англия кубогининг 1/16 финал босқичи доирасида бўлиб ўтадиган «Бёрнли»га қарши ўйин олдидан ўз фикрларини билдириб ўтди.

«Жамоа ушбу мавсумда 4та совринни қўлга киритишга ҳаракат қиладими? Биз эртага ғалаба қозонишга ҳаракат қиламиз. Ҳозирча фақатгина шуни айтишим мумкин. Қолгани эса шунчаки — хаёл.

Англия кубоги "Бёрнли"нинг асосий вазифаси эмас, деган гап-сўзларни эшитяпман. Демак, 11 футболчи майдонга тушадию, ғалаба қозонмаслик учун ўйнайдими? Мен бунга ишонмайман. Улар ўйнашга ҳаракат қилишади. Жамоа ўтган мавсумда 7-ўринни банд этди. Бу улар жуда ажойиб натижа эди.

Майдонга кучли таркибни тушираман. АПЛ жамоасига қарши кечадиган Англия кубоги баҳсида энг кучли таркиб билан ўйнашимиз керак. Ғалаба қозонишимизга ишонаман», – деди Гвардиола.

Фактлар:
— «Манчестер Сити» ушбу ҳафтада Англия лига кубоги финал йўлланмасини қўлга киритди.
— Гвардиола жамоаси февраль ойида ЕЧЛнинг нимчорак финал босқичи доирасида «Шальке-04»га қарши баҳс олиб боради.
— «Сити» АПЛда «Ливерпуль»дан 4 очко ортда қолган ҳолда, 2-ўринда бормоқда.