"Манчестер Юнайтед" бош мураббийи Оле-Гуннар Сульшер АПЛнинг 25-тури доирасида "Лестер"га қарши ўйинга Поль Погба ва Антони Марсиалнинг тайёр бўлишлари борасида фикр билдирди.
"Бёрнли"га қарши ўйиндан сўнг тўлақонли машғулот ўтказишга улгурганимиз йўқ. Умид қиламанки, уларнинг соғлиги жойида. Полда жароҳат бор деб ўйламайман.
Антони даволаш курсини ўтади, бугун машғулотга қатнашади. У "Лестер"га қарши ўйнай олади, деб ўйлайман. Уни кеча бахтиёр ҳолатда кўрдим.
"Лестер"нинг "Ливерпуль"га қарши ўйинини кўрдим, жамоада қувват ва жадаллик бор. Улар зўр ҳимояланишади, уларнинг ҳимоясини ёриб ўтиш қийин.
Олдинда тезкор ўйинчилари: Варди, Грей, Мэддисон ва Олбрайтон бор. Улар "Челси"ни мағлуб этдилар, бу биз учун синов бўлади, аммо менга ёқяпти", - дейди Сульшер.
