"Реал" бош мураббийи Сантьяго Солари Испания кубоги ярим финал босқичи доирасида бўладиган "Барселона"га қарши ўйин олдидан ўз фикрлари билан ўртоқлашди.

Ўйин ҳақида
«Тактик жиҳатдан сюрпризлар бўлишини ҳеч қачон олдиндан айтиб бўлмайди. Бу фақат бир жамоага боғлиқ эмас. Чиройли ўйин кўрсатишни истаймиз. Бу класико, ундан барча роҳатланишини хоҳлаймиз: чиройли ўйин намойиш қилиб, ғалаба қозонмоқчимиз».

Класико ҳақида
«Класико – бу ўзаро юқори рақобатга эга бўлган жамоаларнинг ўзаро тўқнашуви: «Ривер» – «Бока», «Интер» – «Милан», «Сан-Лоренцо» – «Уракан», ва табиийки, «Реал Мадрид» – «Барселона», «Реал Мадрид» – «Атлетико».

Бугун жамоа қозонган жамоа Ла лигада ҳам устунликка эришадими?
«Бу икки хил мусобақа. Биз барча мусобақаларда ғолиб чиқишни истаймиз. Ҳар бир турнирга жиддий ёндашамиз. Аввалги баҳсларда бўлганидек яхши ўйин кўрсатамиз. Европа чемпионлар лигаси плей-офф босқичи олдидан яхши тайёргарликка эга бўлишимиз керак. Аммо келажакни ўйламасдан, "Капм Ноу"даги ўйин муҳим эканини тушунишимиз лозим».

Таркиб борасида
«Вальехо ўйинга тайёр. Деярли барча футболчилар сафга қайтганидан хурсандмиз. Ҳамма ўйинчилар майдонга чиқишга тайёр бўлса, менинг вазифам янада қийинлашади. Барча футболчилар жамоа манфаати учун ўзининг бор иқтидори, имконияти ва кучини сарф қилиши лозим».

Тақвим ҳақида
«Рақибга нисбатан бир кун кам дам олаётганимиз — жуда қизиқ. Умид қиламан, бу атайлиб қилинмаган. Бу саволни тақвим тузаётган одамларга берсангиз яхши бўларди. Бизнинг вазифамиз — ўзимизнинг энг яхши ўйинимизни намойиш қилишдан иборат».

Лионель Месси ҳақида
«Энг яхши футболчиларнинг майдонда бўлиши — бу ҳар доим яхши. Месси ўйнадими ёки йўқми — бу ҳолат бизнинг тайёргарлик жараёнимизга асло таъсир ўтказмайди».