«Реал» бош мураббийи Сантьяго Солари Испания кубогининг ярим финал босқичи доирасида бўлиб ўтган «Барселона»га қарши (1:1) борасида ўз фикрлари билан ўртоқлашди.

— Футболда адолатсизлик ҳақида гапириш қийин. Иккинчи голни уриш учун биз бир нечта имкониятларга эга бўлдик: Бэйл, Кроос... Бу яхши, томошабоп ва сифатли ўйин бўлди, дейдиганларнинг фикрига қўшиламан. Ўйлайманки, бу ўйин бизга ҳам, мухлисларга ҳам ёқди.

— 1:5 ҳисобидаги мағлубиятдан кейин жамоа характер намойиш этишни истаганмиди?
— Бу учрашувларни таққослашдан маъно йўқ. Жамоам машғулотларда жиддий ишламоқда. Биз буни майдонда ҳам кўрдик.

— Жавоб ўйинида қайси жамоа фаворит бўлади?
— Бунга жавоб бера олмайман. Ҳамма нарса содир бўлиши мумкин. Боиси, ҳар иккала клуб — юқори савияда.

— Марселонинг ўйинига қандай баҳо берасиз?
— Марсело — иккинчи сардор. Биз унинг энг юқори формага чиқишини кутамиз.

— Винисиуснинг ўйини ҳақида нима дея оласиз?
— Мен ҳайрон бўлмадим. У жамоага келганидан бери Жуниор билан бирга ишлаб келяпман. У 18 ёшда бўлишига қарамай, у мени қойил қолдирмоқда. Сабаби, бундай ҳолат ҳар кимда ҳам юзага келавермайди. Жамоадошлари ҳам унинг клубга мослашиб кетиши учун ёрдам беришмоқда.

— «Атлетико» ва «Аякс»га қарши ўйинлардан нималар кутяпсиз?
— Келинг, босқичма-босқич ҳаракат қиламиз. Эртадан бошлаб Ла лига ҳақида бош қотира бошлаймиз.

— Фойдаланилмаган вазиятлар жамоага халал бердими?
— Биз ҳамиша ғалаба қозонишни истаймиз. Иккинчи голни уриш бизда имкониятлар бўлди. Кейин эса ўйин турлича кечиши мумкин эди. Бугунги ўйин — жамоа жиддий ишлаётганининг исботи.

— Лукас Васкесга қандай баҳо берасиз?
— Ундаги хислатларни мен қадрлайман: дадиллик ва фидойилик.