Англиянинг “Ливерпуль” клуби бош мураббийи Юрген Клопп ЕЧЛ 1/8 финали доирасидаги “Бавария”га қарши ўйин борасидаги фикрлари билан ўртоқлашди.
“Биз фаворит эканлигимизни мунтазам равишда таъкидлашмоқда. Бу ўта кулгули. Иккита жуда кучли жамоалар тўқнаш келади ва кейинги босқичга ким йўл олишини билмайман.
Чорак финалга йўл олиб бўлдик деб ҳисобламайман. Бизга ҳақиқатда қийин бўлади ва “Бавария”га ҳам осон бўлмайди.
Жамоамиз ўсишда давом этмоқда. Биз ҳозирча ҳеч нарса ютмадик ва бу яхши эмас. Аммо, бошқа томондан кўриниб турибди-ки, бизда ғалаба қозониш истаги бор”, – дейди Клопп.
