Лондоннинг "Челси" клуби ҳужумчиси Оливье Жиру ўз келажаги бўйича муҳим қарор қабул қилди.
The Metro хабарига кўра, 32 ёшли франциялик жуда кам ўйин амалиётига эга бўлса-да, фаолиятини "Челси"да давом эттириб, "арристократлар" билан янги шартнома имзоламоқчи.
Эслатиб ўтамиз, Жиру ва "Челси" ўртасида имзоланган шартнома 2019 йил ёзигача мўлжалланган. Бироқ, уни яна бир мавсумга узайтириш банди ҳам бор.
Маълумот учун, Жиру "Челси" таркибида 2018 йил январь ойидан бери ўйнамоқда. У жами 47та ўйинда майдонга тушиб, 11та гол урган ва 8та голли узатмани амалга оширган.













