Осиё чемпионлар лигаси 3-саралаш босқичи доирасида "Пахтакор" Бирлашган Араб Амирликларида "Ан-Наср" клуби меҳмони бўлади. Бугун "шерлар" бош мураббийи Шота Арвеладзе ва Егор Кримец матбуот анжуманида иштирок этишди.
“Негредога қарши ҳушёр ўйнашга интиламиз. Шунга ҳаракат қиламиз. Халқаро тажрибамиздан фойдаланишга уриниб кўрамиз.
Бундай мусобақада ўйнаганда ҳамиша муваффақият сари интилиш зарур. Эртага эса бир ўйиндан иборат тўқнашувда буни уддалашга уринамиз.
Бу жамоа илгари Ўзбекистон клублари билан ўйнаган, аммо улар бир неча йил олдин кечган. Бизни кутиб турган беллашувда бунинг аҳамияти йўқ. Эртага зафар қучиш лозим бўлган одатий учрашувни ўтказамиз. Унда айнан қандай ўйнашимиз ўйиннинг бориши ва рақибга ҳам боғлиқ. Имкони борича "Наср"нинг кучсиз тарафларидан фойдаланишга интиламиз.
