«Реал» ҳимоячиси Марсело сўнгги пайтларда жамоасининг захира ўриндиғига "михланиб" қолган бўлса, Солари кўпроқ ёш футболчи Регилонга ишонч билдирмоқда. Мураббийнинг бу қарорида жон борга ўхшайди. Нега дейсизми? Унда эшитинг.

Бразилиялик футболчи Испания Ла лигаси доирасида 9та ўйинда бошланғич таркибда майдонга тушди. Бу баҳсларнинг фақат биттасида "Қироллик клуби" ғалаба қозонди. Иккита ўйин дуранг билан тугаган бўлса, 6та ўйинда мадридликлар мағлуб бўлишган.

Серхио Регулон эса жамоасининг 8та ўйинида асосий таркибда майдонга тушган ва бу баҳсларнинг барчасида "Реал" ғалаба қозонган.

Инстаграмда чоп этилган мазкур икки футболчининг таққослама статистикасига Марсело қуйидагича изоҳ қолдирди:
«Албатта, барчасига мен айбдорман. Ишлашда давом этамиз».