Италия С серияси доирасида бўлиб ўтган «Кунео» ва «Про Пьяченца» жамоалари ўртасидаги ўйинда 20:0 ҳисоби қайд этилгани ҳақида хабар бериб ўтгандик.

Молиявий қийинчиликлар туфайли меҳмонлар асосий футболчиларнинг барчаси жамоани тарк этган бўлса, бу баҳсга 7 нафар футболчи билан ташриф буюришганди. Улар орасида клуб массажисти ҳам бор эди. Агар «Про Пьяченца» мазкур ўйинга келмаса, техник мағлубият ва дисклификация кутаётганди.

Шунга қарамай, С серия раҳбарияти клубни мусобақадан четлатишга қарор қилди. Бу ҳақда мусобақа расмий Твиттери хабар тарқатди.

«Бу спорт принципларининг қўпол тарзда бузилиши эди. Ёш футболчиларнинг ота-оналари нима учун уларнинг майдонга тушишига йўл қўйишди? Шунчаки дўстларига профессионал футболда дебют қилганини айтиб бериш учунми? Буни эшитиб ғазабга тушдим», — деди С серия президенти Франческо Гирелли.