2019 йилги мавсумда Ўзбекистон суперкубоги соҳиби маълум бўлди. Мамлакатнинг амалдаги чемпиони — «Локомотив» Ўзбекистон кубоги соҳиби — АГМКни мағлуб этиб, мавсумни соврин билан бошлайдиган бўлди.
"Темирйўлчилар" ўйинни фаол бошлаб, баҳснинг 12-дақиқасида ҳисобни очишга муваффақ бўлишди. Зотеев жамоадоши билан чап қанотдан чиройли комбинация уюштириб, жарима майдончасига кирди ва дарвозабон майдончасига ажойиб узатма берди. Темурхўжа Абдухолиқов эса бош билан дарвозани ишғол қилди.
Танаффусга қадар тошкентликлар яна бир нечта вазиятларга эга бўлган бўлсалар-да, биринчи бўлимда мухлислар бошқа гол кўришмади.
Иккинчи бўлим эса тенгкурашлар остида кечди. Ўйин тугашига 15 дақиқа қолганида "Локо"нинг янги футболчиси Йован Жокич ҳисобдаги фарқни иккитага оширди.
Орадан 2 дақиқа ўтиб эса Зафар Полвонов АГМКнинг дастлабки голини уриб, ўйинга интригани қайтарди. Олмалиқлар ўйин сўнгига қадар "Локомотив" дарвозаси томон босим уюштиришди. Аммо Фёдоров шогирдлари яхши ҳимояланишди ва ҳисобни ушлаб қолишди.
Шу тариқа, "Локомотив" ўз тарихида иккинчи марта Ўзбекистон суперкубогини қўлга киритди.
Ўзбекистон суперкубоги-2019.
«Локомотив» - АГМК - 2:1 (1:0)
Голлар: Темурхўжа Абдухолиқов (12), Йован Жокич (75) — Зафар Полвонов (77)
23 февраль. 16:00. "Пахтакор" стадиони
"Локомотив": 35.Жавоҳир Илёсов, 5.Анзур Исмоилов, 6.Жамшид Искандаров, 10.Сардор Мирзаев, 11.Темурхўжа Абдухолиқов, 17.Ҳусниддин Ғофуров, 20.Ислом Тўхтахўжаев, 23.Йован Жокич, 24.Давронбек Ҳошимов, 33.Олег Зотеев, 77.Диёржон Туропов
Захира: 12.Маъмур Икромов, 7.Азизбек Ҳайдаров, 9.Филипп Раевац, 19.Авазбек Ўлмасалиев, 70.Алишер Шоғуломов, 71.Арслонмурот Амонов, 88.Игорь Елич
Бош мураббий: Андрей Фёдоров
АГМК: 32.Суҳроб Султонов, 4.Миржамол Қосимов, 8.Санъат Шихов, 9.Зафар Полвонов, 19.Жасур Ҳасанов, 22.Миролюб Костич, 23.Акмал Шораҳмедов, 31.Сайдулло Раҳматов, 33.Сардор Раҳмонов, 44.Бобур Юлдашов.
Захира: 45.Акбар Тўраев, 6.Макро Зочевич, 11.Зоҳир Пиримов, 15.Жасурбек Ҳакимов, 20.Мирғиёс Сулаймонов, 21.Ғуломҳайдар Ғуломов, 36.Шаҳбоз Умаров
Бош мураббий: Миржалол Қосимов
Бош ҳакам: Шерзод Қосимов
