«Реал» бош мураббийи Сантьяго Солари «Аякс»га қарши бўлиб ўтган ўйин (1:4, 2:1 – биринчи ўйин) борасида ўз фикрларини билдириб ўтди.

«Бу жуда оғир ҳафта бўлди. Ўз мухлисларимиздан узр сўрайман. Улар бизни қийин паллада қўллаб-қувватлашди. Биз қўлдан келган барча ишни қилдик. Биздан юз ўгирманг.

Албатта, Рамоснинг ўрни билинди. Мен ҳеч бир футболчини айбламоқчи эмасман. У бизнинг сардор.

Ҳа, бу мавсум оғир бўлмоқда. Аммо биз ўз характеримизни намойиш қилиб, чин юракдан ўйнашимиз лозим. Енгил палла барча учун осон. Аммо қийин вазиятда ирода кўрсатишимиз керак.

Таркиб борасида бошқача қарор қабул қилишим мумкин эдими? Бу саволга жавоб бера олмайман. Мураббий ўйинга қадар қарор қабул қилади. Умуман олганда, ушбу мавсум биз учун оғир бўлмоқда. Асосий жамоага кўплаб ёшлар жалб қилинди. Улар ажойиб футболчилар. Буни биламиз.

Бизга ҳозир нима керак? Хотиржамликни сақлашимиз лозим. Боиси, «Реал Мадрид» ҳамиша кучли бўлиб қайтади», – деди Солари.