"Ювенутс" ҳужумчиси Криштиану Роналду ЕЧЛ 1/8 финалида "Атлетико"га қарши жавоб ўйини олдидан фикрларини билдирди.

Биринчи ўйин мадридликларнинг 2:0 ҳисобидаги ғалабаси билан тугаган.

"Атлетико"да кучли жамоа бор. Улар яхши ҳимояланиши ва таввакал қилмасликларини ҳамма билади, аммо биз бунга тайёрмиз. Ғалаба қозониш ва кейинги босқичга чиқиш учун ҳамма нарсага тайёрмиз. Биринчи ўйинда мағлуб бўлишимизни ҳеч ким кутмаган эди, аммо жавоб ўйинида ҳамма нарса бўлиши мумкин.

Ажойиб мавсумни ўтказяпмиз. Олдимизда икки мусобақа: А серия ва чемпионлар лигаси турибди. Италияда ўйнаш менга ёқади. Худди Испания ва Англияда бўлгани сингари бу ерда ҳам голлар уриш ва жамоамга ёрдам бериш мен учун ёқимли", - дейди Роналду.