Италиянинг “Наполи” клуби бош мураббийи Карло Анчелотти “Ювентус” футболчиси Криштиану Роналдуни “Атлетико”га қарши кечган ўйиндан кейин мақтади.
“Ювентус” Роналдунинг ҳаракатлари билан кейинги босқичга чиқди. Ҳамма Роналдунинг ўйини ўхшамай қолишини кутганди. Аммо у “Атлетико” каби муҳим ўйинларда хато қилмайди. Шундай ажойиб футболчилар борки, асосий ўйинларда муаммоларга учрайди. Бу ажойиб футболчи ва чемпион орасидаги фарқ”, -дейди Анчелотти AS нашрига берган интервьюсида.
Эслатиб ўтамиз, 34 ёшли Роналду “Атлетико”га қарши ўйинда 3та гол уриб, жамоасини кейинги босқичга олиб чиққанди.