“Манчестер Юнайтед” ҳужумчиси Ромелу Лукакунинг жароҳат тафсилотлари маълум бўлди.
The Sun нашрининг хабар беришича, 25 ёшли футболчи тиббий кўрикдан ўтгандан сўнг, унинг тўпиғида муаммолар борлиги аниқланди. Ушбу жароҳатдан фориғ бўлишга камида 2-3 ҳафта кетади.
Шу тариқа, Лукаку Англия кубоги доирасида аниқ “Вулверхэмптон”га қарши бўлиб ўтадиган учрашувни ўтказиб юборади. Шунингдек, у Белгия терма жамоасининг йиғинига жалб этилмади.
Маълумот ўрнида, 25 ёшли футболчи жорий мавсум 38 та ўйинда майдонга тушиб 15 та гол урди.